الحب في مصر
مش عارف بالظبط راح فين؟
يا ترى على كوبري قصر النيل و لا في الحواري الضلمة اللي واحد و واحدة ساحبين بعض أو واقفين مقربين؟
هو ما حدش قالهم ان كدة غلط؟
ولا ممكن يكون في محطة المترو , شاب ماسك بنوتة زي القمر بيسرح بيها و بعدين يسيبها علشان في واحدة مستنياه في محطة تانية؟
ولا في الكراسي الأخرانية في السنيما و بنات و شباب بيدعكوا-لا مؤاخذة- في بعض؟
ولا في السوبر جيت؟
ولا في الكام ألف اغنية اللي شغالة 24 ساعة على قنوات الأغاني؟
ولا الحب في مصر خلاص سكن في حبر العقود العرفي و الكام ألف قضية اثبات بنوة في المحاكم؟
يا ترى على كوبري قصر النيل و لا في الحواري الضلمة اللي واحد و واحدة ساحبين بعض أو واقفين مقربين؟
هو ما حدش قالهم ان كدة غلط؟
ولا ممكن يكون في محطة المترو , شاب ماسك بنوتة زي القمر بيسرح بيها و بعدين يسيبها علشان في واحدة مستنياه في محطة تانية؟
ولا في الكراسي الأخرانية في السنيما و بنات و شباب بيدعكوا-لا مؤاخذة- في بعض؟
ولا في السوبر جيت؟
ولا في الكام ألف اغنية اللي شغالة 24 ساعة على قنوات الأغاني؟
ولا الحب في مصر خلاص سكن في حبر العقود العرفي و الكام ألف قضية اثبات بنوة في المحاكم؟
ولا في مكلمات نص الليل؟ ولا في الرسايل؟ و لا ....... ولا؟؟؟
أنا ما اتخبطتش بصراحة فيه غير على باب العناية المركزة في عنين واحدة جوزها جوة على سريرو لو سألتها هتقولك ان بقالها 20 سنة ما شافتش معاه يوم عدل.
طول عمري مقتنع ان مصر منطقة دافئة بين جفاف الخليج -حتى مع أزواجهم- و بين الغرب المتدهور أخلاقيا, بس يا ترى لسة؟
انا نفسي يعملوا مقياس للحب في الجو, يا ترى القاهرة ها تجيب الكام عالعالم بعد ما أخدت الأول عالعالم بجدارة في تلوث الهواء؟
posted by ..........tahayo2at at 1:01 PM
16 Comments:
امممممم
الحب ياولدى ينقسم الى حرفين
ح= حبينى واخلصى وفقلبى لغوصى
ب= بس اوعى تفلفصى وفعنيكى تفعصى
اى حبينى بعماكى لحد ماضربك على قفاكى
وبعدها بقى يتحطم قلبك الصغير
واللا تلطمى على خدك الركيك
دى بقى يور بروبروم
اى بمعنى اخر هى دى الوظيفه اللى ماسكها شبابنا المسمسم فى وقتنا هذا بما ان مش لاقيين غيرها
حبيييب مشكل فى اى وقت وفى كل مكان.
والواد الحمش لاحلى كلام روش يقول:
رساله بس انجليزى متعرب..احم..احم
when a boy say"love" to a girl, he means:
l=lessa badry 3la el gawaz
o=obviously i have no money
v=villa?!! mesh momken ya ommy
e= enty 3abeeta if u beleive me
وهذا هو حال... البتاع دا اللى بتتكلم عليه..طيب قوله تانى كدا وانا هفتكره على طول:)
وشكرا على مرورك عندناااااا
مش عرفه اقولك ايه
بس الحب اكيد موجود ومش معنى انه مش ظاهر انه اندثر لو مش موجود مكناش سمعنا بعض او حسنى ببعض
هو يمكن فيه شبوره فى الجو مش مبيناه
بس لزم تسلم انه موجود
ولو عايز تقيس الحب يبقى اولى انك تقيسه فى القلوب مش في الهواء
فقدان الحب ليس فقط عندكم في مصر
و البحث عنه في الأماكن و الركن المظلمة والمحطات، ده أنا شفت كثييير حالات زي كده عندنا كمان في المغرب
العالم العربي لا يعرف معنى كلمة حب و ربنا يهدينا
مش تزعل تفس يا تعمل نفسك مش واخد بالك ياتعمل احمد عرابي وتقوم بثرة علي اللي بيحصل
أولا انا اسف جدا جدا على الرد المتأخر بس الواحد مطحون في تخليص ورق التكليف و الهبل ده
sorsaraa
ههههه
حلوة
بس اكييد في برضه بنات بتلعب باولاد
ولا ايه؟؟
محض روح
اكيد
انا مؤمن انه اكييييد راجع
بس هو مقيل دلوقتي
anima
اهلا بيكي و بكل الشمال الافريقي اللي بحبه جدا- بعيدا عن الكورة-و اكيد ربنا هيهدينا يوما ما
الدبور
بسم الله الرحمن الرحيم
الاجابة الاولي
هعمل نفسي مش واخد بالي
ممكن تلاقى الحب فى أقسام البوليس.. أو فى المناطق العشوائية
:)
حب ايه يا بنى بس؟!!! مكنتش اعرف أن ليك فى الخيال العلمى
ههههههه
manal
الحب فى مصر مستخبى
بس انا لو لاقيتوا حمسك فيه و مش حاسيبة
تحياتى
MANAL
ههههههه
والله لي في الخيال العلمي و الاساطير كمان لو كان الحب واحد فيهم
و الف شكر على مرورك عندنا
AHMED H
الحلم حلو
يا ريت لو لقيته ما تبقاش اناني و قولي
شلكلك طلعان عينك وواخد مقلب جامد
بس على العموم هو الحاجة الوحيدة الموجودة بس يمكن طريقته إختلفت بس موجودة و عيوب الإنفتاح على العالم الأوروبى ظاهرو فيه بس زيه زى أى حاجة تانية بدليل ال
valentine's day
الموضة الجديدة اللى طلعت ما أعرفش جاية منين بس برضه حلوة أه غريبه علينا بس حلوة
الحب موجود يا جماعه ... واحنا من غيره منسواش حاجه ... وكل انسان بيحب بلده بدون شك ... صح بيختلف من شخص لشخص وانتماء كل واحد ... لكن منطق الحب موجود ... اما بالنسبه للجانب التاني الي بتتكلم عليه فهوه موجود في كل مكان وكل جيل على اختلاف الموضه والشكليات لكن المنطق نفسه متوفر ... من يوم متخلقة البشريه على وجه الارض ... لكن نقدر نقول ان الجانب الايجابي المضاد ليه كمان متوفر يعني زي مفي الوحش في الحلو ... وزي مفي الخير في الشر ... وزي مفي الصح في الغلط ... واعتقد الناس كلها عرفه ده كويس ... وكل بني آدم عنده عقل ويعرف يحدد هوه عايز ايه ... وربنا يهدي الجميع للخير ...
تحياتي...
هو اللي بيعملوه ده كله حب؟
دي سفالة و قلة ادب
ربنا يهديهم
تصدق انا اول مرة ادخل مدونتك
بس فعلا اسم على مسمى
تهيؤات
بقى عايز تعمل ترمومتر تقيس به درجة الحب؟؟
طب اعرف اول اصنع ترمومتر تقيس بيه درجة الحرارة
احسن ما كل حاجة عمالين نستوردها من الصين
والله يا اخي الواحد مبقاش عارف الصينين دول حكايتهم ايه
تقوم تفتح الباب الصبح
تلاقي واحدة طولها متر وشايله على ضهرها شنظة تلاتة متر وبتقولك
صباح الهييير
جايين يبيعوا
انصحك يا اخي
تشرب ميه كتير :)
أخوك/خالد
مش في مصر بس
ده بعيد عنك مرض متفشي
بقى على كل لسان وفي كل مكان
بس برضو يعني موجود منو المش مغشوش
ربنا يوفقك وتلاقيه وابقى دلنا عليه
سلام كلام منطقي
heeeey eh da kollo whr r the news posts... enta mash3'ool fe eh keda
anyway i came to post that to u
اهم الانباء فى عالم التدوين:
ــــــــــــــــــــــــــــــــــــــــــ
"مسابقه افضل موضوع"
http://best-post.blogspot.com/
"من أجل مدونات نظيفة"
http://5fadfada.blogspot.com/2007/04/blog-post_20.html
"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html
ياريت تشرفونا وتشاركوا معانا فى المواضيع دى
yara
انا مش بتكلم هنا عن الفرط
انا بتكلم على الناس اللي بتسرح ببعض لاغراض جسدية
لأن ما حدش عارف يتجوز
فبيقضوها كدة لغاية ما تفرج و ساعتها يروح يدور على واحدة محترمة
loza
ما حدش اختلف انه ممكن يكون موجود
بس نقطة في بحر من الانحطاط
sampakeet
I totally agreee
خالدو ليس بخالد
اسمك حلو
بس صدقني لو صيني
برضة هاشتريه
youma
صح
بس كان نفسي ان احنا نكون احسن من اللي حوالينا
و ما تنسيش تبقي تشوفينا لو لقيتيه
و شرفتينا
sorsaraa
بصراحة عندك حق
انا مقصر جدا
بس اكيد اتشرفت بوجودك
و شكرا على الاخبار
فينك ؟ ما بتكتبش حاجة جديدة ليه؟
Post a Comment
<< Home